محتاج اعيش

محتاج أعيش....
كل الطرق ف بداية الخطوة نهار
بتشق ليل الضلمة من فوق الجدار
ترسم دواير حكمة ومنارة أمل
لكن وقت الجد تلاقيها انهيار
كل الطرق خطاويها ملت كل شيء
ماعادتش بتفرق مابين انسان بريء
او حتى فاقد للمسار
كل الطرق عارفانى وعارفها
قضيت شتاها وفرحت بخريفها
كل الطرق حافظة اساميها النجوم
كل الطرق متلبدة بتلول غيوم
وانا وسطها محتاج اعيش
لاعدت عاوز منها شيء
ولاصورة بتزوق افيش
ماعدت محتاج الرؤى ولاحلم ضاع
عاوز اعيش بالمستطاع
كل الطرق عاوزانى اصرخ بالقوى
محتاج اعيش